लमजुङ, फागुन १३ – लमजुङको तार्कुघाटकी १३ बर्षिया वालिकालाई बलात्कार गरेको आरोप लागेका केदारबहादुर थापालाई प्रहरीले पक्रेको छ । एक महिनादेखि फरार थापालाई प्रहरीले शनिबार राती तनहुँको डुम्रेबाट पक्रेको हो ।
भोटेओडार ८ का ६२ बर्षिय केदारबहादुर थापाले कक्षा ४ मा अध्ययनरत बालिकालाई झण्डै डेढ वर्षदेखि बलात्कार गर्दै आएका प्रहरीले जनाएको छ ।
थापा विरुद्ध जिल्ला प्रहरी कार्यालयमा पीडित परिवारले गएको माघ १४ गते उजुरी दिएका थिए । प्रहरीमा उजुरी परेपछि थापा फरार थिए ।
जिल्ला प्रहरी कार्यालय लमजुङका प्रमुख प्रहरी नायब उपरीक्षक गोरखसिंह भण्डारीले थापाको मुद्दा सरकारी वकिलको कार्यालयमा पुगिसेकाले उनलाई आइतबार नै अदालत लगिने जानकारी दिनुभयो ।
नेपाली काँग्रेसका सक्रिय सदस्य साथै लमजुङ उद्योग बाणिज्य संघ भोटेओडार ईकाईका पूर्व अध्यक्ष समेत रहेका थापाले अनैतिक कार्य गरेको भन्दै ती दुईसंस्थाले विज्ञप्ति निकालेर निस्काशन गरेको घोषणा गरेका छन् ।
थापा भोटेओडारमा रहेको भक्ति आदर्श क्याम्पस संचालक समितिका निवर्तमान अध्यक्ष समेत हुन् ।
0 comments:
Speak up your mind
Tell us what you're thinking... !