क्यान इन्फोटेकमा सवा ४ लाख अवलोकनकर्ता

काठमाडौ, फाल्गुन १

कम्प्युटर एसोसिएसन अफ नेपाल (क्यान) ले आयोजना गरेको क्यान इन्फोटेक मेलाको १९ औं संस्करण सोमबार सकिएको छ । इन्फोटेक अवधिभर ४ लाख ३१ हजार ३ सय ५० जनाले अवलोकन गरेको क्यानले जनाएको छ । मिदास क्यान इन्फोटेक नाम दिइएको मेलामा २ सय २० प्रदर्शनीकक्ष थिए । प्रदर्शनीमा हार्डवेयर, पावर सोलुसन, मोबाइल एक्सेसरिज, टेलिकम्युनिकेसन्स, इन्टरनेट सर्भिस प्रोभाइडर (आईएसपी), सफ्टवेयर लगायतको प्रदर्शनी थियो ।