वीरगञ्ज, फागुन १४ - प्रहरीले वीरगन्जको घडीअर्वाबाट दिउँसो ठूलो परिमाणमा अवैध चाँदीसहित दुई जना भारतीयलाई पक्राउ गरेको छ ।
बिशेष सुराकीको आधारमा जिल्ला प्रहरी कार्यालयबाट खटिएको प्रहरीको टाइगर मोबाइल टोलीले घडीअर्वा पोखरी पार्क नजिकैबाट दुई किलो ग्राम चाँदीको गहना सहित दुई जनालाई पक्राउ गरेको हो । पक्राउ पर्नेमा भारतको रक्सौलका जयकिशोर शर्मा र अभिषेक कुमार रहेका छन ।
रक्सौलबाट बी आर ०५ एफ ५०९२ नम्बरको मोटरसाइलमा सवार भइ चाँदीको गहना लिएर आउदै गरेको अवस्थामा प्रहरी सहायक निरिक्षक बासु खडकाको नेतृत्वमा खटिएको टोलीले दुवैलाई पक्राउ गरेको हो ।
पक्राउ परेका दुवैलाई चाँदीको गहना र मेटरसाइकलसहित आवश्यक कारवाहीका लागि जिल्ला प्रहरी कार्यालय पर्सामा बुझाइएको प्रहरी सहायक निरीक्षक खडकाले जानकारी दिनुभयो ।
0 comments:
Speak up your mind
Tell us what you're thinking... !