काठमाडौ, फागुन ९ – सरकारले दुई रङ्गका ग्यास सिलिण्डर लागु गर्ने भएपछि ग्यास कार्ड भर्नेहरुको संख्या ह्वात्तै बढेको छ ।
काठमाडौ उपत्यका सहित बुटवल, नवलपरासी, जनकपुरबाट कार्ड भर्नेहरुको संख्या उल्लेख्य रहेको ग्यास बिक्रेता महासंघले जनाएको छ ।
१ लाख ८० हजार भन्दा बढी कार्ड संकलन भइसकेको र ती कार्डहरु प्रमाणीकरणका लागि आयल निगमलाई बुझाइसकिएको महासंघका महासचिव महेश्वर श्रेष्ठले बताउनुभयो । उहाँका अनुसार मंगलबार मात्रै नवलपरासीबाट झण्डै १० हजार कार्ड आएको छ ।
प्रमाणीकरणका लागि कार्ड आउने क्रम बढेपछि त्यसको अभिलेख राख्न छुट्टै टोली बनाइएको निगमका प्रवक्ता शिवप्रसाद पुडासैनीले बताउनुभयो । अभिलेख राखेपछि निगमकै कर्मचारीले कार्ड प्रमाणीकरण गर्नेछन् ।
त्यसपछि त्यो कार्ड सम्बन्धित ग्यास डिपोमा पठाइनेछ । सबै उपभोक्ताले ग्यास कार्ड भरेपछि दुई रङ्गका सिलिण्डर कार्यान्वनमा ल्याउने तयारी भएकाले प्रमाणीकरणको काम तीव्र पारिएको निगमले जनाएको छ ।
0 comments:
Speak up your mind
Tell us what you're thinking... !