सरकारले बजेट कटौती गरेपछि वीर अस्पतालले मंगलबारदेखि लागू हुने गरी सेवामा २५ देखि सय प्रतिशत शुल्क बढाएको छ । चिकित्सा विज्ञान राष्ट्रिय प्रतिष्ठान कार्यकारी परिषद्को ७३ औं बैठकले शुल्क बढाउने निर्णय गरेको हो ।
वीरका निर्देशक डा.बुलन्द थापाले सबै शाखालाई नयाँ शुल्क तालिकाबारे परिपत्र जारी गर्दै परिमार्जित शुल्क लिन निर्देशन दिएका छन् ।
स्रोतका अनुसार सरकारले वीरको बजेट यो पल्ट गत वर्षभन्दा चार करोड कम दिएको छ । अस्पतालले बजेटले थेग्न गाह्रो हुने जानकारी गराएपछि स्वास्थ्यलगायत सम्बन्धित मन्त्रालयले आफैं कमाउन सुझाव दिएर फर्काएकोसमेत स्रोतले दाबी गर्यो ।
अस्पतालको तथ्यांकअनुसार वीरमा रोल्पा, डोल्पा, जुम्ला, हुम्ला, जाजरकोट, बझाङलगायतका दुर्गम क्षेत्रदेखि तराईका सुगमसम्मका नेपाली स्वास्थ्य उपचारका लागि पुग्ने पुग्छन् । वीरले बर्सेनि कुल आम्दानी करिब २६ करोड रुपैयाँ गर्ने गरेको छ । अस्पतालले महिनामा करिब अढाइ करोड तलब भत्तामा खर्च गर्नुपर्छ । थापाका अनुसार सरकारले १० करोड पूँजीगत र ३२ करोड अस्पताल सञ्चालन गर्न दिन्छ । वीरको बर्सेनि कुल बजेट करिब ६८ करोडको छ ।
'यसमा हामीलाई चिकित्सा विज्ञान राष्ट्रिय प्रतिष्ठान (नाम्स), वीर अस्पताल र नर्सिङ क्याम्पस चलाउनुपर्छ,' उनले भने, 'नाम्सअन्तर्गत १८ वटा संस्थासँग सम्बन्धन छ, त्यहाँ पनि पैसा दिनुपर्छ ।'
0 comments:
Speak up your mind
Tell us what you're thinking... !