चितवन फागुन ३
आजको भ्यालेन्टाइन डे र हिजोदेखि सुरु भएको सौराहा फुडफेस्टिवलका कारण युवा जोडीले सौराहा भरिएको छ। यस वर्ष फुड फेस्टिवलमा उत्कृष्ट जोडीलाई पुरस्कृत गर्ने व्यवस्थासमेत गरिएकाले जोडीहरुको आकर्षण रहेको सौराहाका पर्यटन व्यवसायी राममणि खनाल बताउँछन् ।
भ्यालेन्टाइन जोडीका लागि व्यवसायीहरुले विशेष छुट गरेकाले पनि युवाहरुले सौराहा भरिएको फुड फेस्टिवलका संयोजक लालबहादुर भट्टले बताए ।
रेस्टुरेन्ट एन्ड बार एसोसिएसन सौराहाको आयोजनामा सुरु भएको तीन दिने फुड फेस्टिवलमा नजानिँदो गरी प्रेम जोडिको मूल्याङ्कन हुने र उत्कृष्टलाई सम्मान गरिने भट्टले जानकारी दिए ।
अहिले यहाँ थारुहरुको खाना घुँगी, चिचर तथा गुन्द्रुक र ढिँडोमा युवाहरु रमाइरहेका छन् । युवाहरुलाई २५ प्रतिशतसम्म छुट दिइएको थियो।
यहाँका अधिकांश होटल हिजोदेखि नै भरिएको र अझै युवाहरु आउने क्रम नरोकिएको क्षेत्रीय होटल सङ्घ सौराहाले जनाएको छ। सौराहामा ८० भन्दा बढी ठूला होटल छन्। यहाँ दैनिक दुई हजार पर्यटक राख्न सक्ने क्षमता रहेको छ।
0 comments:
Speak up your mind
Tell us what you're thinking... !