उत्तर कोरिया ले तेस्रो पटक मंगलबार अणुवम परिक्षण गरेको छ । समाचार एजेन्सीहरुका अनुसार उसको यस तेस्रो अणु वम परिक्षणले सबैभन्दा नजिकको सहयोगी चीनलाई समेत संभवत रुष्ट बनाएको छ । उसले यो भूमिगत रुपमा गरिएको पुष्टी गरेको बीबीसी अनलाइनले जनाएको छ ।
'यो संयुक्त राष्ट्र संघको स्थायी समितिद्वारा पारित संकल्पको स्पष्ट र गम्भीर उल्लंघन हो' महासचिव वानकी मुनले भनेका छन् । ।
साउथ कोरियाले जुन प्रकारको भू–कम्पन देखा पर्यो यसले उत्तर कोरिया ले अणु वम विष्फोटन गराएको पुष्टी भएको उल्लेख गरेको छ । दक्षिण कोरियाली बिशेषज्ञहरुका अनुसार विगतको भन्दा ठूलो अणु वम परिक्षण गरिएको उल्लेख गरेको छ । यद्यपी दोस्रो विश्वयुद्धका बेला अमेरिकाले जापानको हिरोसिमामा विष्फोट गराएको भन्दा धेरै सानो भएको बताइएको छ ।
उनीहरुका अनुसार ६ देखि ७ किलोटनको वम परिक्षण गरिएको छ जवकी हिरोसिमामा २० किलोटनको विष्फोट गराइएको थियो ।
उत्तर कोरिया को उक्त परिक्षणपछि राष्ट्रसंघ सुरक्षा परिषद्को आकस्मिक बैठक बोलाइएको छ । यसअघि नै विभिन्न खाले नाकावन्दीको सामना गरिरहेको उत्तर कोरिया को यो कार्यबाट थप नाकावन्दीको संभावना रहेको बताइएको छ । अणु वम कार्यक्रमकै कारण उत्तर कोरिया विश्वबाट करिव एक्लिएको अवस्थामा रहेको छ ।
यसअघि सन् २००६ र २००९ उसले अणुवम परिक्षण गरेको थियो ।
0 comments:
Speak up your mind
Tell us what you're thinking... !