२७ वैशाख, काठमाडौं । थ्रीस्टार एएफसी प्रेसिडेन्ट कप फुटबलको अन्तिम चरण प्रवेश नजिक पुगेको छ ।
बिहीबार भएको आफ्नो दोस्रो खेलमा मंगोलियाको इर्चिम एफसीलाई २-० ले पराजित गरेको ए डिभिजन लिग च्याम्पियन थ्रीस्टार ४ अंकका साथ समूह ए को शीर्ष स्थानमा छ । समूह चरणको अन्तिम खेलमा थ्रीस्टारले ताईवान पावरसँग खेल्नेछ ।त्रिपुरेश्वरस्थित दशरथ रंगशालामा भएको खेलमा थ्रीस्टारले आठौं मिनेटमा नै डोडजको गोलबाट सुरुवाति अग्रता लिएको हो । खेललाई आफ्नो नियन्त्रणमा राखेको थ्रीस्टारले केही राम्रो मौका गुमाएको थियो ।
दोस्रो हापको ६३ औं मिनेटमा फेमीले थ्रीस्टारको अग्रता दोब्बर पारे । दोस्रो हापमा इर्चिमले केही मौका पाएपनि सदुपयोग गर्न नसक्दा हार स्वीकार गर्यो ।
बिहीबार नै भएको अर्को खेलमा ताईवान पावर तथा अवाहनी लिमिटेडले १-१ को बराबरी खेलेका छन् । दुबैको समान २-२ अंक भएको छ ।
0 comments:
Speak up your mind
Tell us what you're thinking... !