काठमाडौं, बैशाख २१ - अमेरिका बस्दै आएका नेपाली युवतीहरुले भाग लिन पाउने सुन्दरी प्रतियोगिता मिस नेपाल युएस–२०१३ को आवेदन खुलेको छ ।
३ वर्षदेखि हुँदै आएको प्रतियोगिता आगामी अगस्ट १७ अर्थात भदौ १ गते न्यूयार्कस्थित क्विन्स थिएटरमा हुने आयोजक संस्था इभेन्ट प्लानेट इनकर्पोरेसनले जनाएको छ ।
प्रतियोगितामा सहभागिता जनाउन इच्छुक नेपाली अमेरिकी युवतीले आउँदो ७ जुलाईसम्ममा आवेदन दिन सक्ने आयोजकले जनाएको छ । ‘युवामा सशक्तिकरण नेपाललाई बढावा’ भन्ने नाराका साथ यो प्रतियोगिता गर्न लागिएको हो ।
मिस नेपाल अमेरिकाको विजेताले ५ हजार अमेरिकी डलर तथा नेपाल भ्रमणका लागि हवाई टिकटसमेत पाउने छन् ।
यस्तै द्वितीय हुनेले ३ हजार र तृतीय हुनेले २ हजार डलर पाउने छन् । प्रतियोगितामा १७ देखि २६ वर्ष भित्रका युवतीहरुले सहभागिता जनाउन पाउने आयोजक संस्था इभेन्ट प्लानेट इनकर्पोरेसनले जनाएको छ ।
यसअघि सन् २०१२ को मिस नेपाल अमेरिकाको उपाधि आस्था श्रेष्ठले तथा सन् २०११ को उपाधि सुजिता बस्नेतले जितेका थिए ।
अनलाइन मार्फत आवदेन दिन चाहनेहरुले यहाँ क्लिक गर्नुहोला ।
0 comments:
Speak up your mind
Tell us what you're thinking... !